الرئيسيةالتسجيلدخول

شاطر | 
 

 قصيدة شعر شعبي عن الوطن وعن العراق, هل سنفهم معانيها؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مصطفى
مشرف
مشرف


ذكر
عدد الرسائل : 526
العمر : 26
الموقع : http://iraq-al-om.forum-2007.com
العمل/الترفيه : على النت
المزاج : عالي
تاريخ التسجيل : 23/09/2007

مُساهمةموضوع: قصيدة شعر شعبي عن الوطن وعن العراق, هل سنفهم معانيها؟   الإثنين أكتوبر 15, 2007 3:42 am

قصيدة قرأتها لاحد كتاب العراق الغيارى على بلدهم واحببت ان انقلها اليكم لتشاركوني فيها وابداء آرائكم حولها
حيث تتحدث عن الوطن ومافيه وارجو ان تنال اعجابكم
الوطن بستان وفلح .. وريحة عنبر المشخاب

الوطن كركورة طفل يلعب .. و يختل وره الباب

الوطن رطب برحي .. وجرف يحضن الخنياب

الوطن شعر شعبي .. وقصيدة ونظم سيّاب

الوطن وادي وجبل .. هور ونخل وحْباب

الوطن خاوه الحزن من حجّاج.. ولسه ما نعرف الأسباب

السبب دم الطفل وحسين.. ووياهم جثير أسباب

وما ينفك هلحزن يا ناس .. لمن يطلع إمام الغاب

***

الوطن ناي إبحلك عازف توالي الليل

الوطن مهرة إمعضّله إتسابك الخيل

الوطن مزيونه إمعطره أبريحة الهيل

الوطن كَمر صافي يحلّي السهر بالليل

الوطن خِضار وسما وزركَة إسهيل

الوطن مثل المريض الشفة ورد بيه حيل

****
الوطن كَفلة إحديثات يملن ماي

الوطن قيثارة ولحن بالناي

الوطن ريحة هيل وسط الجاي

الوطن هور وزلال الماي

الوطن مضيف ونخل وفياي

وبْلايه الوطن تبقى تطك هاي أبهاي

****


الوطن رمان العطيشي .. وبرتقال ابشهربان

الوطن ركًي الموصل .. عطر النجف بالليوان

الوطن تمر الفاو .. ومنارة إبفلوجة الشجعان

الوطن ناعور راوه وهيت .. إبطرف بستان

الوطن تاريخ الزلم .. يا نكَرة السلمان

الوطن أم وحضن ... للخايف وبردان

****

الوطن يا خي موال وقصيدة وهلاهل

الوطن يا بيت الشَعَر ياقصر الشناشل

الوطن صوباط العنب يا صوت البلابل

ياوطن سلـّوك إبحجة كذبة الشامل

الوطن يا خي بيت وشرف للي يستاهل

الوطن يرفس كل عميل وخاين وعايل

الوطن كاعد علنفط.. عيب إيعيش أهله عللفلافل؟

عيب إيعيش أهله عللفلافل
عيب إيعيش أهله عللفلافل
الرجوع الى أعلى الصفحة اذهب الى الأسفل
http://iraq-al-om.forum-2007.com
 
قصيدة شعر شعبي عن الوطن وعن العراق, هل سنفهم معانيها؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديـات عــراق الام :: (¯`·._.·( اقسام الشعر والادب الروائي )·._.·°¯) :: °¨¨™¤¦ اقسام الشعر الشعبي والفصيح ¦¤™¨¨°-
انتقل الى: