الرئيسيةالتسجيلدخول

شاطر | 
 

 هل البس يحدد شخصيه البنت \ موضوع نقاش اريد ارائكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رومانسي العراق
مراقب عام
مراقب عام


ذكر
عدد الرسائل : 523
العمر : 30
العمل/الترفيه : صائغ
المزاج : ضايج ومتعكر دائما
تاريخ التسجيل : 25/09/2007

مُساهمةموضوع: هل البس يحدد شخصيه البنت موضوع نقاش اريد ارائكم   السبت أكتوبر 13, 2007 4:25 pm

ايامكم سعيده وكل عام وانتو بصحه وسلامه

عندي فد موضوع اريد اطرحه عليكم وهذا الموضوع ديصادفني بحياتي اليوميه بالدوام والسوق والشارع يعني بكل وكت وبكل مكان ومرات اقول شبيهم الناس هيجي يتصرفون واحد ويه الخ ويحكمون بدون وعي
الموضوع هو الحكم على الشخص من خلال مظهره الخارجي وخاصه البس وبالذات للبنات يعني مثلا اذا لقينه بالشارع بنيه شويه لابسه ضيق او شي بيه لوف او فيكه بالبس حيبدي الحجي عليه من كل مكان ( هاي شلابسه .. اكيد موزينه.. تعالو شوفو ......) والنظرات تبدي والتصجيم عبالك جايه من القمر ومع العلم احتمال انه هاي البنت توب الاخلاق والسمعه واهله مربيه زين ولبسه هي وعائلته بهذا النمط ونلاخظ بالمقابل اكو بنات هن بالمظهر خارجيا لبس محتشم جدا جدا يصل حد العبايات والجفوف ويكونن سيئات السمعه مثل ميقولون من جوه ليجوه ( رجاءا اذا احد ناقش لا يجيب طاري حجاب او غير شي نهائيا مداقصد هذا الموضوع اني –فقط اعطي مثل لنموذجين لاغير) فهل الموضوع شكل ولبس وهاي هيه ..وين الجوهر وين الداخل ياما بنات ظاهريا قمه الادب والا خلاق اعتمادا على البس ولكن من تعرفهم تتاسسف على النضره الاولى وياما بنات من تشوفهم تقول يله خلي نجربهم هاي مبينه مو راحه ( اعتمادا على البس ) ومن تعرفه تقول شكد عيب هيج فكرت وتخجل من نفسك

انطيكم هنت للموضوع اني من جنت اداوم بالكليه عندي صديقات كانو توب الاخلاق والادب بس كان لبسهم شويه متحرر طبعا اني اقول متحرر لان احنه عدنه اذا لبست جينز سوه مو محتشم ( فمتحرر مو يعني لبنان هههه) المهم حسيت اهلي وامي جانو يحاولون يبعدوني عنهم وعجزت اقول واشرح لاهلي ياناس هذوله احسن بنات وكلش زينات معليكم بالبس ووو لكن ماكو فايده خوب امي قفلت فد قفله سوالف وذبه قبل ههه يييا ماما كل واحد حر بالبس وماكو احد يكدر يجبر احد على البس هي مساله شخصيه بحته عليج بالجوهر وامي تقول يابه دطيري ياجوهر من تجي الحجايه الناس اله الضاهر واني اسكت ماعرف شجاوبه .... ياامي كل واحد هو وربه يتجازه اني بنتج وانتي مقتنعه بيه شعليج بصديقاتي اني اعرفهن هن احسن من غيرهن .. وامي ترجع تقول صديقتج يعني انتي ووو

عموما طولت عليكم بس اريد اسمع اراكم
هل البس والمظهر يبقه هو من يحدد اخلاق الشخص
وهل ان ما يقولون ليس كل ما يلمع ذهباااا سيفهمه الناس يومااا
ملاحضه رجاءا اذا احد جاوب لا يقول الدين يامر بالحجاب لان الكل يعرف هذا الموضوع وكل البنات يعرفون الحجاب مفروض على الكل كلش زين بس اكو بنات هوايه ممحجبات ومتقدر متحجي وياهن وهو موضوع نقاش فقط
وشكر ا وعيدكم سعيد مره لخ
الرجوع الى أعلى الصفحة اذهب الى الأسفل
 
هل البس يحدد شخصيه البنت \ موضوع نقاش اريد ارائكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديـات عــراق الام :: (¯`·._.·( الاقسام العامة )·._.·°¯) :: °¨¨™¤¦ الــقــسم الــعــــام ¦¤™¨¨°-
انتقل الى: