الرئيسيةالتسجيلدخول

شاطر | 
 

 سؤال الى كل مغترب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رومانسي العراق
مراقب عام
مراقب عام


ذكر
عدد الرسائل : 523
العمر : 30
العمل/الترفيه : صائغ
المزاج : ضايج ومتعكر دائما
تاريخ التسجيل : 25/09/2007

مُساهمةموضوع: سؤال الى كل مغترب   الثلاثاء أكتوبر 09, 2007 4:08 am

يله شباب بنات المغتربين

1..وين كنت ساكن بالعراق؟وحاليا وين ساكن؟
2..صارلك شكد وانت بالغربة؟
3..تفتخر انك عراقي بالغربة؟
4..اوصفلي احساس الغربة بكلمة واحدة او بكلمتين فقط؟
5..ان شاء الله من ترجع للعراق منو اول شخص تتمنى تشوفة؟
6..ان شاء الله من ترجع للعراق اول مكان تتمنى تروحلة؟
7..منو اللي واساك بالغربة؟
8..شنو الشي الفقدتة وانت بالغربة؟
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
10..أسوء موقف شفتة بالغربة؟
11..احلى موقف شفتة بالغربة؟
12..شلون تثبت نفسك انك عراقي بالغربة؟
13..ساعدت مغتربين عراقيين بالغربة؟
14..اريدك توصفلي العراق بكلمة واحدة فقط..
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
مع تحياتي
Mad رومانسي العراق
الرجوع الى أعلى الصفحة اذهب الى الأسفل
رومانسي العراق
مراقب عام
مراقب عام


ذكر
عدد الرسائل : 523
العمر : 30
العمل/الترفيه : صائغ
المزاج : ضايج ومتعكر دائما
تاريخ التسجيل : 25/09/2007

مُساهمةموضوع: رد: سؤال الى كل مغترب   الثلاثاء أكتوبر 09, 2007 9:48 am

1..وين كنت ساكن بالعراق؟وحاليا وين ساكن؟


لول ابغداد وهسه بالامارات


2..صارلك شكد وانت بالغربة؟


سنه و3 اشهر


3..تفتخر انك عراقي بالغربة؟


طبعا يكفي اني عراقيه اكبر فخر الي



4..اوصفلي احساس الغربة بكلمة واحدة او بكلمتين فقط؟


احساس بمراره قاتله



5..ان شاء الله من ترجع للعراق منو اول شخص تتمنى تشوفة؟


اهلي كلهم



6..ان شاء الله من ترجع للعراق اول مكان تتمنى تروحلة؟


منطقتي بيتنه



7..منو اللي واساك بالغربة؟


المغتربين مثلي اكيد كل عراقي مغترب يصير قريب من الباقين يحس بمعاناتهم ويواسيهم



8..شنو الشي الفقدتة وانت بالغربة؟


كول شنو اللي مافقدته كل احساس حلو ولحظه حلوه راحت



9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟


من اسمع هيج خبر اندمر شسوي ادعي من الله يفرجها علينه ماعدنه غير رب العالمين



10..أسوء موقف شفتة بالغربة؟


هو اسوء من الغربه شنو؟



11..احلى موقف شفتة بالغربة؟


لمن تصير مناسبه تخص العراقيين شون العراقيين يلتمون ويصيرون عبالك اهل واحد يحس نفسه رجع لايام العراق



12..شلون تثبت نفسك انك عراقي بالغربة؟


بهوايه اشياء اول شي اراوي الناس كلها شنو يعني عراقي باخلاقه بتصرفاته بعاداته وكلشي حلو بيه وبالاضافه الى تقديم المساعده الى اي عراقي محتاجها شي يثبت اصاله العراقي وعادي العلم مال عراق ماانزعه لول ونغمات الموبايل كلها عراقيه فهاي كلها تثبت عراقيتي



13..ساعدت مغتربين عراقيين بالغربة؟


مصادفت انو ساعدت مسااعده فعليه بس اي احد احتاج مساااعده مااتردد وحاليا مساعدتي مقتصره ع الجانب المعنوي



14..اريدك توصفلي العراق بكلمة واحدة فقط..


العراق= الجنه



15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟


او كومه عندي حجي بس لول اهم شي اكول الله يصبر كل عراقي والله يرحم ان شاءالله بحالنه وان شاءالله العرراق يرجع احسن من الاول عراق السلام والامان وكل نرجع لبلدنه وماانفقد الامل لان دوام الحال من المحال
والله كريم وموجود
الرجوع الى أعلى الصفحة اذهب الى الأسفل
 
سؤال الى كل مغترب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديـات عــراق الام :: (¯`·._.·( الاقسام العامة )·._.·°¯) :: °¨¨™¤¦ عراقي في المهجر ¦¤™¨¨°-
انتقل الى: