الرئيسيةالتسجيلدخول

شاطر | 
 

 قصيدة حسينيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حلا
مشرف
مشرف


انثى
عدد الرسائل : 67
العمر : 32
تاريخ التسجيل : 31/08/2007

مُساهمةموضوع: قصيدة حسينيه   الجمعة أغسطس 31, 2007 12:18 pm

ياحسين


Sad Sad Sad Sad



ينراد الذبحتك بحر للموال وبجرفه العتابه تفرفح وتبجي

ينراد الذبحتك حزن يبجي جبود وبيوم الطباك ايفرع ويشجي

ينراد الذبحتك كلب من جلموذ وتفسره الحروف البيك من تحجي

وتظل تحجي بكلب مجمور- واسمك عالدهور يدور-

وبصدر المجالس راسك المنحور وبكلب الدهر سهمك يظل مرجي

ولواك بقمة الموجدان –غركان بدماك وبالشمس عريان-

فانوس النجات وناصع البرهان- وحده وذان- وبهيبه علكبتك طود

وموجي

وزمن يحجي- ووكت يشجي – ودهر يبجي- دهر يبجي الك

يحسين وشيبجي

يبجي دمعه تفركس كلوب السنين وتجرح احساس الخيال

يبجي جرحه الشاخص بكلب الحنين وسالك دروب الوصال

يبجي ليل ينوح من صبحه الحزين الشاف للتاريخ ساحات وقتال

يبجي فرحة ال سفيان واميه بذبح اشراف الرجال

يبجي عنوان الكرامه اللي خذاه الطف رمي رماح ونبال

يبجي سيره- يبجي حيره- يبجي والشهكه بضميره وعاكده بكلبه

السؤال

وكام ويه الراس يحجي ياحسين الياسبب مذبوح هجي


رحت اسولف ويه روحي وحلفت روحي تسولفلي الصراحه

والزمتهه بقسم ليذلهه الذهول ولايجرهه الحزن بحبال النياحه

شاطرتهه العمر كله وطرزتهه بكل جلمنه الراجحه الرزنه المباحه

وصعدت وياها لركاب الكمال وخذنه بالافاق اوسع كل مساحه

طرنه بعيون الحقيقه مسافرين وصار حاكمنه الدليل وكلمن اعتد

بسلا حه

حاربتهه- وصالحتهه- وامنتهه – ونشدتهه من شفتهه بجلمة

الحب مستراحه

ياهو جان مدلل بحجر الرسول وخامس اصحاب العبه الجبريل

فياله بجناحه

وياهو امه فاطمه بظعة محمد سيدة نسوان هذا الكون كله

وصارن بسدهه بعض نسواننه الهن سماحه

وياهو علمنه الصراحه

وياهو خلله دمومنه فدوه اله رخيصه ومباحه

وياهو خلله الموت بالساحه علم ثورة محبه وصار للمشتاك راحه

كالت انت-

انت جرحي الماعتك مهما كلت بيه السنين ياحسين

وانت طبعي الغفه بطبعه الليل والغربه البعيده ويبس بي طعم الحنين

انت ليلي اللي حفظ طور البواجي وماجزع من الونين

انت شوغات المسافات البعيده- انت شبعت الوفه بدم العقيده –

انت خليت الحزن تاج القصيده- انت هونت الحزين اعله المصيبه

وانته دمعات الحزين

انت ناموس الدهر روح العداله انت نهجك وحده دين

انت للثوار قبله ودين كل الثائرين

مره سرك بالولاده – ومره محراب العباده- ومره نبراس الشهاده

ومره طالع درس عندك اسمه دين

مره طالع فرض عندك تنطي دمك قربتا لله رب العالمين

انت معناة الحقيقه وماعرف معناك غير العارفين

جاوزت رسم الاصول – وحيرت اهل العقول- وصاب حبك كلب

عابس بالذهول

وصار من الموقنين

انت لسا عايش ابين النفوس وال اميه الهالوكت منك بعدهم خايفين

مدرع بدينك خذت سيف الصميده وشتتة جيش الكفر والمشركين

صافحت كلب التراب بسهم كلبك وراسك برمح اليضدونك رهين

الخيل تركض بالمعاره تدوس صدرك وانت بنعالك دست تاريخ كل

المجرمين

انت ادم انت نوح انت ابراهيم ياحق اليقين

انت موسئ انت عيسئ انت ابو القاسم محمد انت ابن الطاهره

وحيدر امير المؤمنين

انت وارث كل شريعه وذخر كل الانبياء وعهد كل المرسلين

بذلت احله ثنين مال وبنين وشتريت العزه بموال وبنين

انت من اول عزيز انت ريحانة محمد انت سجادة محمد انت ابو

السجاد سيد الساجدين

شلون تعطش

والله عيب اعله الفرات الماكدر يوصل يزور عيالك ويكسر حصار

الطامعين

وعيب عالباعو ضمايرهم بلاش اعله الذي من الضمير مفلسين

وانت معناة الحقيقه وماعرف معناك غير العارفين

انت لسا عايش ابين النفوس وال اميه الهالوكت منك بعدهم خايفين

انت ريحانة محمد انت سجادة محمد وانت ابو السجاد سيد الساجدين



ياحسين

الشاعر الكبيرالحسيني فاضل مظفر
Sad Sad Sad Sad Sad Sad


عدل سابقا من قبل في السبت سبتمبر 01, 2007 12:26 pm عدل 1 مرات
الرجوع الى أعلى الصفحة اذهب الى الأسفل
محطم العمالقة
مراقب عام
مراقب عام


ذكر
عدد الرسائل : 308
العمر : 31
العمل/الترفيه : منتسب في وزارة الدفاع العراقيه
المزاج : فرفشه والمزاح
تاريخ التسجيل : 31/08/2007

مُساهمةموضوع: رد: قصيدة حسينيه   السبت سبتمبر 01, 2007 6:59 am

مشكورعلى المشاركه الطيبه والمعطره
بعطر الحضره الحسينيه الاشريف
والله يخليك للمنتدى
الرجوع الى أعلى الصفحة اذهب الى الأسفل
حلا
مشرف
مشرف


انثى
عدد الرسائل : 67
العمر : 32
تاريخ التسجيل : 31/08/2007

مُساهمةموضوع: رد: قصيدة حسينيه   الأحد سبتمبر 02, 2007 3:09 pm

مشكور عملاق ولله انا كلي فدا الحسين
و اتمنه ان القصائد تكون عند حسن اعجاب الجميع
واتمنه ان الجميع يقرءوها


و شكرا
lol!
الرجوع الى أعلى الصفحة اذهب الى الأسفل
 
قصيدة حسينيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديـات عــراق الام :: (¯`·._.·( اقسام الشعر والادب الروائي )·._.·°¯) :: °¨¨™¤¦ قسم الشعر الحر ¦¤™¨¨°-
انتقل الى: