الرئيسيةالتسجيلدخول

شاطر | 
 

 ام الحزن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حلا
مشرف
مشرف


انثى
عدد الرسائل : 67
العمر : 32
تاريخ التسجيل : 31/08/2007

مُساهمةموضوع: ام الحزن   الجمعة أغسطس 31, 2007 4:36 am

ام الحزن Sad Sad

Sad Sad Sad Sad

بين خوف وبين ليل وبين اتعاب الرحيل

وبين مو جة حزن تمشي ويه العقيله وبين صرخات وعويل

بين اطفال وارامل والحمل ذاك الثكيل

ردت منالشام بت حامي الدخيل




دمعة مصابك بدت تجويني

المتني وصرت ما ودي اكول حتئ دمع مصيبتك ياذيني

جمعت ظهر الطفوف وجرة جمرة ماسي سنيني

شككت كلبي ومثل دم الحسين سالت بجمرتهه دمعت عيني

اربعين منالليالي الدرب بينه وبيني

مدري شنهو اللي تغير حتئ خلاك الوكت ناسيني

انه ام الحزن يا دهري الحزين والمصايب والمحن تدريني

وين ما تلكه عزا تلكه الحسين ووين ماتلكه لطم تلكيني

انه زينب ياحزن والنايبات حالت ابين الحسين وبيني

جنت وحدي ابين هجمات الخيول اركض واجمع شتاته الديني

وجان عصر العاشر المرعب مهول منين ما التفت متوليني

ياحزن والليل من ارخئ السدول وراحت الخيل ولكيتك بيني

شفت روحي ابين اذناب الذيول وبس ابو الباقر سند بيميني

وشفت ماتحصل ولا كطرة حلول ولابد اليوم الشمر يسبيني

كمت ما اكدر اعبر شرد اكول و وين اروح وطايح اليحميني

اشكف بجفي النايه وكمت اجول بين عباسي صرت وحسيني

انه ام الحزن يا دهري الحزين ووين ما تلكه لطم تلكيني




صابره ومابيه للشده الين وعين اخوتي منالرمح تربيني

ياحزن واللي يهد حيلي وينال من عزيمة بت علي ويلويني

بعده ماقدر عليه رب الوجود وماطلع من قسمتي وتعييني

انه ام الصبر والباري كريم شكثر ما اطلب صبر ينطيني

رحت وانت وياي شاهد والرماح عالوضع دم ودمع تبجيني

ياهو مثلي تحملت هاي الجراح وياهو مثلي البالنسه تساويني

رحت للشام وعلئ ظهور الهزول ومحمل الهزله يدك بجبيني

والكصر باين عليك وموقبول بياقسم من حزنك تخليني

ووين تكدر تقنع الهاي العقول ووين قصدك ياكلب يحويني

انه زينب ياحزن احدي باصول وروح اسال ياهو المربيني

انه بت فارس مظر فحل الفحول واليرتل عالرمح داعيني

اوكف احمي عياله وعيال الرسول وبوكفتي الوالد موصيني

انه امي الطاهره الزهره البتول ومن زمان الباطل معاديني

انه امي الطاهره البضعه البتول والصفات الراقيه بتكويني


انه زينب ياحزن والنايبات حالت ابين الحسين وبيني

وسهم المثلث كطع درب الوصال وصارت الدنيه ظلام بعيني

وجيت ازور اكبورهم ياحزن صيح هاي زينب ردت ودليني

بكبر اخويه حسين ابو اليمه الذبيح وللكفيل اعله النهر وديني

ارد اكله الحزن رد بينه عجول وشاف حزني منالوكت يكفيني

شاف خليت اللطم احله الشمول وبيت بيت الوادم تواسيني

انه ام الحزن يا دهري الحزين والمصايب والمحن تدريني

وين ماتلكه عزه تلكه الحسين ووين ما تلكه لطم تلكيني

انه زينب ياحزن والنايبات حالت ابين الحسين وبيني


الشاعر الكبير الحسيني, فاضل مظفر

2005 -03-26


تحياتي لكم جميعا
الرجوع الى أعلى الصفحة اذهب الى الأسفل
رومانسي العراق
مراقب عام
مراقب عام


ذكر
عدد الرسائل : 523
العمر : 30
العمل/الترفيه : صائغ
المزاج : ضايج ومتعكر دائما
تاريخ التسجيل : 25/09/2007

مُساهمةموضوع: رد: ام الحزن   الأحد أكتوبر 14, 2007 7:41 am

عاشت الايادي الشعر مو طبيعي مشكورين
الرجوع الى أعلى الصفحة اذهب الى الأسفل
مصطفى
مشرف
مشرف


ذكر
عدد الرسائل : 526
العمر : 26
الموقع : http://iraq-al-om.forum-2007.com
العمل/الترفيه : على النت
المزاج : عالي
تاريخ التسجيل : 23/09/2007

مُساهمةموضوع: رد: ام الحزن   الإثنين أكتوبر 15, 2007 2:05 am

مشكوره حلا على الشعر الجميل
الرجوع الى أعلى الصفحة اذهب الى الأسفل
http://iraq-al-om.forum-2007.com
 
ام الحزن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديـات عــراق الام :: (¯`·._.·( اقسام الشعر والادب الروائي )·._.·°¯) :: °¨¨™¤¦ قسم الشعر الحر ¦¤™¨¨°-
انتقل الى: